首批大閘蟹抵港 來貨少貴15%

又到吃大閘蟹季節！首批太湖大閘蟹今日抵港，惟今年受颱風影響，重5両以上的大蟹產量銳減，加上成本上漲，蟹價較去年貴15%；商家坦言首批大閘蟹品質一般，成熟度僅40%，料本月底至10月初才有靚蟹，屆時每隻售價將降至百餘元。

今年首批約1,300隻來自太湖的大閘蟹，今日早上已送至銅鑼灣老三陽，老闆女兒祁玉鳳指出，今年貨量較去年銳減50%，原因是內地7至8月受颱風及暴雨影響，養蟹的湖水位由1.5米升至4米，不少體積較大的蟹未能脫殼已浸死：

一般8月底『最後一脫』，蟹才養得夠大，加上天氣炎熱，蟹郁動多，食極唔肥，膏不夠黃！

▲ 老三陽指今年來自太湖的大閘蟹收成減少，特別是7至8両重的大蟹。

她坦言，今年品質一般，特別是大蟹產量減少，加上受運輸、飼料、人工等成本上漲影響，重5両以上的蟹價較去年貴15%，每隻售240至480元不等。

她預料，真正的靚蟹要待北風起才有，即至少要到9月25日後、甚或10月初才有靚蟹，屆時產量增加，每隻大蟹或只需150元便有交易。

而第2批太湖大閘蟹將在3日後抵港，同樣約有1,300隻。祁玉鳳指，今年零售市道慘淡，不少酒樓營業額收縮，導致訂貨量大減至少10%。

老三陽教揀靚蟹3大貼士：

• 蟹會眨眼先夠精靈
• 拿上手要夠重手
• 蟹鉗張力好夠生猛

【其他熱話】六合彩8000萬中秋金多寶　「10」號最旺財

【其他熱話】中秋自組黃金外遊假 打風必備4招減損失

【其他熱話】這些商場真太冷 10個商場9個不合格

【其他熱話】香港第一金！鄧韋樂殘奧200米自由泳奪金